स्थानिक बातम्या

कळंब शहरातील मोमीन गल्ली परिसरातील नागरिकांनी सय्यद शाहंशाह वली दरगाह व कब्रस्तानातील झुडपे तातडीने तोडून परिसर मोकळा करण्याची मागणी नगरपरिषदेकडे केली आहे. झुडपांमुळे अस्वच्छता, साप-विंचूंचा धोका व अंत्यविधीसाठी येणाऱ्यांना अडचणी निर्माण झाल्या आहेत.

इनरव्हील क्लब ऑफ कळंबने “राखी ते खाकी” उपक्रमातून पर्यावरणपूरक राख्यांनी पोलीस बंधूंना राखी बांधत रक्षाबंधन साजरे केले. या अनोख्या उपक्रमातून बंधुत्व, संस्कार व पर्यावरण संवर्धनाचा संदेश दिला.

कळंब शहरात अस्वच्छतेमुळे डेंग्यूचा प्रादुर्भाव वाढला आहे. वार्षिक 1 कोटी खर्च असूनही स्वच्छता कामात ढिलाई; धूर फवारणीसाठी नागरिकांची मागणी.

कळंब शहरातील ढोकी रोडवरील रुणवाल क्लॉथ सेंटरमध्ये गावगुंडांनी व्यापाऱ्याला जीवे मारण्याची धमकी दिल्याने व्यापारी वर्गात भीतीचे वातावरण निर्माण झाले आहे.

जिल्हा ज्येष्ठ नागरिक महासंघाच्या वतीने रक्षाबंधनाचा सण गरीब मुलींच्या हस्ते राखी बांधून आणि नवीन कपड्यांचे वाटप करून साजरा करण्यात आला. समाजसेवेचा आणि भावंडांच्या प्रेमाचा सुंदर संगम या उपक्रमात अनुभवायला मिळाला.

स्व. गणपतरावजी कथले युवक आघाडीच्या वतीने संत ज्ञानेश्वर मुकबधीर विद्यालयात रक्षाबंधनाचा उत्सव साजरा करण्यात आला. विद्यार्थ्यांना दैनंदिन गरजेच्या वस्तू व खाऊ वाटप करून आनंदाचा क्षण सामायिक करण्यात आला.

करंजकल्ला वळणावरील अपघातप्रवण स्थितीवर नागरिकांच्या मागणीनंतर सार्वजनिक बांधकाम विभागाने एका महिन्यात सुरक्षा उपाययोजना पूर्ण करण्याचे आश्वासन दिले.

कळंब येथे स्वकुल साळी समाजाच्या वतीने भगवान श्री जिव्हेश्वर जन्मोत्सव उत्साहात साजरा करण्यात आला. कार्यक्रमात गुणवंत विद्यार्थी व कर्मचाऱ्यांचा सत्कार, तसेच प्रगतशील शेतकरी, आदर्श शिक्षिका, उत्कृष्ट कर्मचारी, युवा उद्योजक आणि समाजसेवा पुरस्कारांचे वितरण करण्यात आले.