शेती विषयक

धाराशिव जिल्ह्यातील अतिवृष्टी व ढगफुटी सदृश्य पावसामुळे शेतकरी मोठ्या अडचणीत आले आहेत. सोयाबीन, उडीद, मुग, तुर यांसह अनेक पिकांचे ५०% पेक्षा जास्त नुकसान झाले आहे. घरांची पडझड, जनावरे वाहून जाणे यासारखे गंभीर परिणाम दिसून येत असून, तात्काळ पंचनामे करून शेतकऱ्यांना मदत द्यावी अशी मागणी आमदार कैलास पाटील यांनी केली आहे.

तालुक्यातील अनेक शेतकऱ्यांनी फार्मर आयडी काढण्याकडे दुर्लक्ष केले आहे. ज्या शेतकऱ्यांनी फार्मर आयडी काढलेला नाही त्यांना पीक विम्यासह विविध योजनांचा लाभ घेण्यास अडचणी येणार आहेत. शेतकऱ्यांनी फार्मर आयडी काढून शासनाच्या विविध योजनांचा लाभ घ्यावा. असे आवाहन कृषी विभाग करत आहे. मात्र तरी शेतकरी दुर्लक्ष करत असल्याने त्याचा तोटा भविष्यात शेतकऱ्यांनाच होण्याची शक्यता आहे.