राजकीय

स्थानिक स्वराज्य संस्था निवडणुकांच्या पार्श्वभूमीवर महायुती आणि महाविकास आघाडीत तिन्ही पक्षांचे जागावाटपाचे गणित बिघडल्याने तळागाळातील कार्यकर्त्यांमध्ये तीव्र नाराजी निर्माण झाली आहे. एका जागेसाठी अनेक दावेदार, गटबाजी, आणि समन्वयाच्या अभावामुळे दोन्ही आघाड्यांत तणाव वाढत आहे.

कळंब शहरातील पाणीटंचाईवर तोडगा काढण्यासाठी ६८ कोटींची पाणीपुरवठा योजना मार्गी लागली आहे. या योजनेतून दररोज ८० लाख लिटर शुद्ध पाणीपुरवठा होणार असून, ५४ किमी पाईपलाईन व नव्या टाक्या उभारल्या जाणार आहेत. नगरपरिषद इतिहासातील हा सर्वात मोठा निधी ठरला आहे.

वाशी नगरपंचायतीतील भाजपाचे विद्यमान नगरसेवक व पदाधिकाऱ्यांनी डॉ. प्रतापसिंह पाटील यांच्या हस्ते राष्ट्रवादी काँग्रेस पक्ष (शरद पवार गट) मध्ये प्रवेश केला. शरद पवार, जितेंद्र आव्हाड, रोहित पवार यांच्यासह वरिष्ठ नेत्यांच्या उपस्थितीत मुंबईत झालेला हा प्रवेश सोहळा स्थानिक राजकारणात महत्त्वाचा ठरला आहे.

धाराशिव शहरातील 140 कोटींच्या 59 रस्ते कामांना दीड वर्ष उलटूनही सुरुवात झालेली नाही. निविदा प्रक्रियेतील विलंब व गोंधळामुळे नागरिक त्रस्त झाले आहेत. आमदार कैलास पाटील यांनी नगरविकास सचिवांची भेट घेऊन तातडीने कामे सुरू करण्याची मागणी केली आहे.

तुळजापूर येथे भर पावसात पार पडलेल्या जिल्हा आढावा बैठकीत वंचित बहुजन आघाडीने धाराशिव जिल्ह्यातील स्थानिक स्वराज्य संस्था निवडणुका स्वबळावर लढण्याचा निर्धार केला. कार्यकर्त्यांची मोठी उपस्थिती व पक्षाच्या ताकदीचे प्रदर्शन यावेळी झाले.

कळंब तालुक्यातील खरेदी-विक्री संघात वाशी तालुक्याच्या बाहेरील संस्थांचा समावेश आढळल्याने वाद निर्माण झाला आहे. काँग्रेसतर्फे जिल्हा उपनिबंधकांकडे या संस्थांचे सदस्यत्व रद्द करण्याची मागणी करण्यात आली आहे.

“कळंब येथे झालेल्या काँग्रेसच्या आढावा बैठकीत आगामी निवडणुकांच्या पार्श्वभूमीवर रणनीती ठरवण्यात आली. बैठकीला प्रमुख नेत्यांची उपस्थिती लाभली असून अनेक युवकांनी पक्षात प्रवेश केला.”