वंचित बहुजन आघाडीची जिल्हा बैठक उत्साहात संपन्न

स्थानिक स्वराज्य संस्था निवडणुका स्वबळावर लढण्याचा पक्षाचा निर्धार

धाराशिव (प्रतिनिधी): भर पावसातही शेकडो कार्यकर्त्यांच्या उपस्थितीत वंचित बहुजन आघाडीची जिल्हा संघटन आढावा बैठक तुळजापूर येथे जिल्हा निरीक्षक अविनाश भोसीकर यांच्या अध्यक्षतेखाली पार पडली.

🏛️ निवडणुकांत स्वबळाचा निर्धार

या बैठकीत धाराशिव जिल्ह्यातील नगरपंचायत, नगरपरिषद, पंचायत समिती व जिल्हा परिषदेच्या आगामी निवडणुकांमध्ये वंचित बहुजन आघाडी स्वबळावर उतरणार असल्याचा ठाम निर्धार करण्यात आला. जिल्ह्यातील वंचित, शोषित व पीडित घटकांच्या हक्कांसाठी लढणारा हा एकमेव पक्ष असल्याचे यावेळी वक्त्यांनी स्पष्ट केले.

👥 उपस्थित मान्यवर

बैठकीला जिल्हा प्रभारी ॲड. रमेश गायकवाड, युवक आघाडी निरीक्षक अमोल लांडगे, जिल्हाध्यक्ष ॲड. प्रणित डिकले, जिल्हा महासचिव धनंजय सोनटक्के यांच्यासह मोठ्या संख्येने पदाधिकारी व कार्यकर्ते उपस्थित होते.

तसेच जिल्हा उपाध्यक्ष आर. एस. गायकवाड, नासिर शेख, रविकिरण बनसोडे, रुस्तमखा पठाण, विकास बनसोडे, परमेश्वर लोखंडे, प्रवक्ता ॲड. के. टी. गायकवाड, शिवाजी कांबळे, उमेश कांबळे, अमोल शेळके, माथाडी कामगार जनरल युनियन जिल्हाध्यक्ष सुधीर वाघमारे, युवा आघाडीचे गोविंद भंडारे, जीवन कदम, विनायक दुपारगुडे, माजी जिल्हाध्यक्ष बि. डी. शिंदे, मिलिंद रोकडे, रामभाऊ गायकवाड आदी मान्यवर उपस्थित होते.

भारतीय बौद्ध महासभा, समता सैनिक दल व विविध सामाजिक संघटनांचे कार्यकर्तेही बैठकीत सामील झाले.

🌧️ पावसातही उत्स्फूर्त सहभाग

शनिवारी दिवसभर मुसळधार पाऊस चालू असतानाही कार्यकर्त्यांची उपस्थिती उल्लेखनीय ठरली. कार्यक्रमाचे प्रस्ताविक धनंजय सोनटक्के यांनी केले, सूत्रसंचालन गोविंद भंडारे यांनी तर आभार प्रदर्शन जीवन कदम यांनी केले.