करंजकल्ला वळणावरील अपघातप्रवण स्थितीवर नागरिकांच्या मागणीनंतर सार्वजनिक बांधकाम विभागाने एका महिन्यात सुरक्षा उपाययोजना पूर्ण करण्याचे आश्वासन दिले.

कळंब येथे स्वकुल साळी समाजाच्या वतीने भगवान श्री जिव्हेश्वर जन्मोत्सव उत्साहात साजरा करण्यात आला. कार्यक्रमात गुणवंत विद्यार्थी व कर्मचाऱ्यांचा सत्कार, तसेच प्रगतशील शेतकरी, आदर्श शिक्षिका, उत्कृष्ट कर्मचारी, युवा उद्योजक आणि समाजसेवा पुरस्कारांचे वितरण करण्यात आले.

कळंब-लातूर रस्त्याचे रखडलेले काम आणि त्यामुळे होणारे अपघात हे प्रशासन व ठेकेदाराच्या निष्काळजीपणाचे परिणाम आहेत. नागरिकांचा जीव धोक्यात असून, शिवसेनेने रस्त्याचे काम तात्काळ पूर्ण करण्याची मागणी करत तीव्र आंदोलनाचा इशारा दिला आहे.

कळंब (धाराशिव) येथील समाजसेवक व लहुजी शक्ती सेनेचे प्रदेश महासचिव बालाजी गायकवाड यांना दिल्लीतील महाराष्ट्र सदन येथे केंद्रीय मंत्री रामदास आठवले यांच्या हस्ते समाज गौरव राष्ट्रीय पुरस्कार प्रदान करण्यात आला. गेली दोन दशके त्यांनी सामाजिक चळवळीत उल्लेखनीय कामगिरी केली आहे.

कळंब शहरातील महात्मा फुले चौकाचे सुशोभीकरण लवकरच होणार असून आमदार कैलास पाटील यांनी निधी मंजुरीचे आश्वासन दिले आहे.